INTER CLUB RUN
26 PRILL 2026Inter Club Run 2.0 është edicioni i dytë i mini-maratonës 5K të organizuar nga Inter Club Albania në bashkëpunim me FC Internazionale Milano. Pas një edicioni inaugurues tepër të suksesshëm në 2025 dhe mbulim mediatik ndërkombëtar me artikull zyrtar në faqen e Interit, eventi është konsoliduar si një nga ngjarjet sportive komunitare më të veçanta në vend. Inter Club Run promovon jetën aktive, përfshirjen sociale dhe vlerat e Interit: solidaritetin, barazinë dhe bashkimin nën filozofinë “Brothers of the World”. Gara 5K dhe 1K për fëmijë do të zhvillohen më 26 Prill në Parkun e Liqenit Artificial të Tiranës.
Regjistrimet janë hapur dhe mund ta bëni menjeherë te një nga paketat më poshtë!
Regjistrohu në garë
Inter Club Runner
- Zgjidh Inter Club Runner dhe bëhu pjesë e garës më të veçantë ndonjëherë: asaj zikalter! Me këtë paketë, bëhesh automatikisht pjesë e Inter Club Run 5K më 26 Prill 2026 në Parkun e Liqenit të Tiranës.
- ✅ Çfarë përfshin kjo paketë?
- 👕 Bluzën premium të vrapuesit, branduar posaçërisht për këtë garë
- 🎒 Një çantë ekskluzive
- 🏅 Medaljen e garës nëse përfundon 5 kilometrat
- 📍 Chip GPS për çdo garues për matjen e kohës së saktë të garës
- 🔢 Numër unik vrapuesi për identifikim në garë
HERO Runner
- Bëhu jo vetëm vrapues, por edhe një HERO i kauzave zikalter! Përveç të gjitha përfitimeve të paketës Inter Club Runner, me këtë paketë mbështet drejtpërdrejt Inter Club Albania në organizimin e këtij aktiviteti që bashkon komunitetin zikaltër por të bën automatikisht edhe pjesëmarrës në një short ekskluziv, ku mund të fitosh një fanellë origjinale të Interit, të firmosur nga një hero i skuadrës!
- ✅ Çfarë përfshin kjo paketë?
- 🌟 Të gjitha përfitimet e Inter Club Runner
- 🦸♂️ Mundësia për të kontribuar në kauzat zikalter dhe të bëhesh një HERO i vërtetë i komunitetit tonë
- 🏆 Shansi për të fituar një fanellë origjinale të Interit me autografin e një lojtari aktual të skuadrës së parë
- 🏟️ Shansi per te fituar 5 bileta falas ne nje ndeshje te Interit ne San Siro ne UEFA Champions League 2026-2027
LEGACY Runner
- Kalo në nivel tjetër. Bëhu një mini-sponsor i aktivitetit më të suksesshëm të Inter Club Albania dhe lë gjurmë në historinë e komunitetit tonë. LEGACY Runner është për ata që nuk mjaftohen vetëm me finishin e 5 kilometrave, por ëndërrojnë për eksperienca që të çojnë nga Parku i Liqenit drejt zemrës së Interit. Me këtë paketë, ti jo vetëm mbështet drejtpërdrejt organizimin e Inter Club Run, por fiton mundësinë të përjetosh çmime dhe eksperienca që për shumëkënd duken të paimagjinueshme.
- ✅ Çfarë përfshin kjo paketë?
- 🌟 Të gjitha përfitimet e paketës Inter Club Runner
- 🎖️ Badge speciale “LEGACY RUNNER” në numrin tënd të garës
- 🧣 Një shall zyrtar Inter Club Albania dhuratë, si simbol përkatësie dhe mbështetjeje
- 🦸♂️ Behesh një nga mbështetësit kryesorë të eventit
- 🎟️ Pjesëmarrje automatike në shortin ekskluziv për:
- 🤝 Eksperiencë unike “Players Parade” në San Siro: Takim me skuadrën e parë, foto dhe autografe pas një ndeshjeje zyrtare
- ⚫🔵 Fanellë origjinale me autografin e kapitenit Lautaro Martinez
- ⚫🔵 Fanellë origjinale me autograf nga Francesco Pio Esposito
- 🏆 5 vizita me VIP PASS në Sallën e Trofeve dhe selinë zyrtare të Inter
MISIONI
Inter Club Run ka një mision të qartë: të promovojë sportin dhe jetën aktive në komunitetin shqiptar. Të forcojë lidhjen mes tifozëve dhe klubit Inter. Të sjellë një mesazh solidariteti, përfshirjeje dhe barazie, duke përdorur fuqinë e sportit për të bashkuar njerëzit duke u bazuar thellësisht te slogani i Interit “Brothers of the World” dhe te vlerat qe klubi promovon.
BASHKËPUNIM DIREKT ME INTER
Ky event realizohet me mbështetjen dhe bashkëpunimin zyrtar të FC Internazionale Milano nëpërmjet Centro Coordinamento Inter Club (CCIC), duke e pozicionuar Inter Club Run si një ngjarje ekskluzive me vizibilitet të garantuar në nivel kombëtar dhe ndërkombëtar. Përfshirja direkte e strukturave zyrtare të klubit krijon një lidhje të qëndrueshme dhe autentike Inter dhe komunitetit zikaltër në Shqipëri.
SUKSESI I EDICIONIT TË PARË
Edicioni inaugurues i Inter Club Run rezultoi një sukses i jashtëzakonshëm, duke mbledhur mbi 500 pjesëmarrës në garën 5K dhe më shumë se 100 fëmijë në 1K. Eventi krijoi një atmosferë unike komunitare, ku sporti, familja dhe pasioni zikaltër u bashkuan në një platformë të organizuar dhe profesionale.
Mbulimi mediatik kombëtar dhe ndërkombëtar, si dhe artikulli zyrtar në faqen e Interit, e pozicionuan Inter Club Run si një ngjarje me impakt real dhe vizibilitet të garantuar. Ky sukses i konsoliduar shërben si bazë e fortë edicionin e dyte te Inter Club Run.
BARBECUE PARTY – FESTA E KOMUNITETIT
Në përfundim të Inter Club Run 2.0, të gjithë pjesëmarrësit që kalojnë vijën e finishit me vrap apo me hap, do të kenë mundësinë të bëhen pjesë e Festës së Madhe Barbecue. Mjafton të tregojnë medaljen e fituar për të siguruar aksesin në këtë moment special që mbyll eventin në mënyrën më autentike zikaltër.
Kjo festë është më shumë se një “gathering social” sepse është një dëshmi se dashuria për Interin kalon përtej çdo vështirësie dhe është kthyer në një besim që na bashkon. Ashtu si komuniteti ynë qëndroi stoik dhe i bashkuar gjatë një sezoni sfidues, edhe kjo festë simbolizon forcën e unitetit dhe identitetit tonë të përbashkët.
Medalja nuk është thjesht një kujtim sportiv: ajo është “bileta” për në këtë festë ekskluzive, ku pjesëmarrësit do të ndajnë pasionin zikaltër, energjinë e garës dhe një eksperiencë të paharrueshme me komunitetin Inter Club Albania.
